Are u Ready for Life

自從開始每晚pillow talk, 就日日都有更新...

我: 問(例牌): 今日返學開唔開心呀?

米b: 唔開心.

我: 下? 唔開心? 點解呀? 又有同學仔蝦你呀?

米b: 係呀! 何x仁唔比我玩佢d玩具呀~

我: 哦...咁佢唔岩喎...唔緊要啦, 你同第二個玩啦~

米b: 我唔鍾意何x仁架! (Jayson情敵消失ing XD)

我: 哦...咁重有無邊個同學仔你唔鍾意架?

米b: 重有...er...er...(er咗好耐) 陳x瑩囉! 我整冧咗佢間屋呀!

我: 下? 咁你做咩整冧人地間屋呀?

米b: 我唔鍾意佢間屋囉, 好醜怪呀~ 

我: =_= (怪不得人地唔同你玩啦阿囡~)